!Më 1 shkurt 2017, përfundon periudha promovuese e përdorimit të lirë, pa regjistrim dhe pa pagesë të përmbajtjeve të faqes Meta.mk që u zbatua për t’u mundësuar qasje më të lehtë shfrytëzuesve deri në lajmet e saktë dhe në kohë. Për mënyrën e qasjes dhe pagesës, nga 1 shkurti 2017 do t’ju njoftojmë në mënyrë plotësuese. Bartja dhe marrja e përmbajtjeve nga Meta.mk është me atribuim dhe lidhje obligative.

ELEM: Shpenzimi i rrymës është rritur për 30% në krahasim me pesë vitet e fundit


       
Shkup, 10 Janar, 2017 - 16:13 (META) 

Për shkak të temperaturës shumë të ulët, është regjistruar 30% shpenzim më i madh i energjisë elektrike krahasuar me periudhën para pesë viteve, thuhet në njoftimin e SH.A ELEM.

“Të gjitha kapacitetet në dispozicion për prodhimin e energjisë elektrike të SH.A ELEM janë futur në proces. Një pjesë e sasive sigurohen nga tregu i lirë në përputhje me rregullat ekzistuese dhe procedurat e miratuara nga KRE” theksojnë nga kompania.

Prej atje shtojnë se gjatë ditës kur ka kërkesë më të lartë, dje kanë marrë 3600 megavat/ orë energji elektrike përmes kompanive të licencuara për tregti me energji elektrike.

“Furnizimin që e bën SH.A ELEM është me çmim mesatar prej 101,43 euro për megavat/orë dhe është më e lirë krahasuar me energjinë që shitej në bursat e rajonit. Kushtet e motit nga të cilat janë goditur vendet e Evropës Juglindore dhe Qendrore, drejtpërdrejtë ndikojnë edhe në çmimet e këtij energjensi. Gjatë ditës së djeshme, në bursën e Hungarisë një megavat/ orë energji elektrike në periudhat e konsumit të rritur shitej për 126,3 euro, në bursën e Bullgarisë 123 euro ndërsa në atë të Serbisë për periudhën e njëjtë çmimi ishte 140,3 euro” shpjegojnë nga ELEM.

Nga kjo kompani më tej thonë se furnizimi i energjisë elektrike, që bëhet në këtë periudhë, nuk do të ndikoj në çmimin e energjisë elektrike për amvisëri dhe bizneset e vogla.

Termo- elektrana “Bitola 3” presin që të funksionoj në 72 orët e ardhshëm.