fbpx

A e kanë incizuar kamerat e sigurisë sulmin me armë në Qendrën Klinike?

-

Tre ditë pas sulmit të armatosur ku u plagos kirurgu i Qendrës klinike për kirurgji digjestive, kompetentët nuk tregojnë se tërbimi i të dyshuarve është regjistruar nga kamerat dhe nëse ato fare punojnë.

Në vitin 2008 Ministria e shëndetësisë mori dhe instaloi rreth 1200 kamera në Qendrën klinike dhe objektet tjera shëndetësore për çka u shpenzuan rreth 1 milion euro.

Dje tentuam të marrim përgjigje nga Ministria e shëndetësisë, që para shtatë viteve promovoi dhe realizoi projektin për video- mbikëqyrjen në objektet shëndetësore dhe klinikat, por prej atje na drejtuan te drejtori i Klinikës për kirurgji digjestive, sepse siç na thanë, çdo klinikë veçmas është përgjegjëse për kamerat.

Sot nga biseda e shkurtë me drejtorin e Klinikës për kirurgji digjestive Aleksandar Karagjozov nuk morëm përgjigje konkrete për atë nëse kamerat punojnë dhe nëse incidenti është kapur nga mbikëqyrja e videos.

“Dje biseduam dhe po verifikojmë. Unë edhe më herët kërkova që të aktivizohen kamerat, të paktën nëpër korridore” tha Karagjozov.

E pyetëm nëse kjo do të thotë se ato nuk punojnë.

“Punonin. Se a punojnë tani, nuk e di. Unë nuk mund t’i kontrolloj regjistrimet, e di se për këtë ka njeri që paguhet” tha Karagjozov.

Për atë nëse është incizuar incidenti në momentin e ngjarjes pyetëm edhe në Prokurorinë publike, por edhe prej atje nuk morëm përgjigje.

Kamerat në institucionet shëndetësore dhe klinikat u lëshuan në përdorim kah fundi i dhjetorit vitin 2008-të.

Siç shkruanin atëherë mediumet, bëhej fjalë për projektin e Ministrisë së shëndetësisë ndërsa ministër në atë kohë ishte Bujar Osmani.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.