!Më 1 shkurt 2017, përfundon periudha promovuese për shfrytëzim të lirë të lajmeve të “Meta”. Në periudhën e ardhshme do të zbatojmë sistemin e ri për qasje dhe parapagesë. Për mënyrën e qasjes dhe parapagesës do të ju njoftojmë në mënyrë plotësuese.

Bushati: Të frikësuar janë ata që mendojnë se me Maqedoninë mund të sundohet pa shqiptarët


       
Tiranë, 2 Mars, 2017 - 16:23 (META) 

Ministri i jashtëm i Shqipërisë, Ditmir Bushati në profilin e tij në Twitter publikoi koment për zhvillimet e reja të situatës në Maqedoni, duke evituar që të përmend vendimin e njoftuar mbrëmë të presidentit të Maqedonisë, Gjorgje Ivanov, i cili refuzoi të jep mandatin duke u arsyetuar me “Platformën e përpiluar në Tiranë”.

Shefi i diplomacisë shqiptare porositi duke thënë se vetëm personat e frikësuar nga vlerat e vërteta mund të mendojnë se me Maqedoninë mund të sundohet pa pjesëmarrjen e shqiptarëve.

“Ne vazhdimisht nxitim faktorin shqiptar, pa marrë parasysh ku është, përfshirë edhe Maqedoninë, që të luaj rol konstruktiv dhe në mënyrë aktive të merr pjesë në proceset demokratike dhe problemet e veta t’i zgjidh në mënyrë institucionale. Ata që mendojnë se me Maqedoninë mund të sundohet pa shqiptarët, janë të frikësuar nga barazia sociale dhe vlerat e parimet evropiane”, porositi përmes Twitterit ministri i jashtëm shqiptar, Bushati.