fbpx

Ahmeti, Kasami dhe Sela në takim me presidenti kosovar Hashim Thaçi

-

Presidenti i Kosovës, Hashim Thaçi, sot në Prishtinë ka takuar liderët e partive politike shqiptare në Maqedoni, të cilët i ka përgëzuar për mbajtjen e zgjedhjeve të lira dhe demokratike

Thaçi, siç njoftojnë nga kabineti i tij, liderit të BDI-së, Ali Ahmeti, liderit të Besës, Bilal Kasami dhe liderit të Aleancës për shqiptarë, Zijadin Sela i ka uruar për zgjedhjet e lira dhe demokratike.

Në takimet, sipas kumtesës, është biseduar për “nevojën e koordinimit të faktorit politik shqiptar në Maqedoni që të respektohet vullneti i shprehur i lirë dhe demokratik të shqiptarëve në zgjedhjet e parakohshme parlamentare”.

“Kryetari Thaçi uroi bashkëbiseduesit për sjelljen e partive politike shqiptare edhe pas mbajtjes së zgjedhjeve, që duhet të reflektohet edhe në riafirmimin e programit dhe përcaktimeve strategjike të shqiptarëve, që janë në interes të ardhmërisë evropiane të Maqedonisë. Në takim, përfaqësuesit e partive politike parlamentare në Maqedoni shprehën  gatishmërinë e tyre maksimalisht të angazhohen dhe në mënyrën më të mirë t’i përfaqësojnë interesat shqiptare, në funksion të avancimit dhe stabilitetit të Maqedonisë në afat më të gjatë”, thuhet në njoftimin e kabinetit të presidentit kosovar.

Krerët e BDI-së, Besës dhe Aleancës kah fundi i vitit të kaluar, menjëherë pas zgjedhjeve, ishin në takim me kryeministrin e Shqipërisë, Edi Rama në Tiranë, ku gjithashtu është biseduar për gjendjet post- zgjedhore në Maqedoni.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.