Со одлуката на Советот на јавни обвинители денеска е прекршен Договорот од Пржино и Законот за специјалното јавно обвинителство, изјави генералниот секретар на СДСМ, Оливер Спасовски, пред Клубот на пратеници, каде досега се одржуваше средбата на работните групи за изборната регулатива.
– Ние сега се повлекуваме од преговорите на консултации во партијата. За нас Договорот од Пржино не е повеќе активен. За сите следни чекори кои ќе ги преземеме понатаму, ќе бидете информирани – изјави Спасовски.
На новинарско прашање за изборниот закон, Спасовски рече дека тоа е сега ирелевантно и дека тие нема да дозволат да потпишат уште еден договор кој ќе биде палома хартија.
