fbpx

Спасовски: Нема најави за експанзија на мигрантската криза

-

Нема никакви најави дека ќе се зголеми бројот на мигранти или дека ќе проработи западнобалканската рута, изјави министерот за внатрешни работи, Оливер Спасовски, по завршувањето на втората министерска средба, на која учествуваа министрите за внатрешни работи и шефовите на дипломатиите на Македонија, Грција, Албанија и на Бугарија, што се одржа денеска во Солун, Грција.

– Во делот на мигрантската криза, заеднички констатиравме дека има услови да опстои договорот меѓу Европската Унија и Турција. Засега немаме никакви најави дека мигрантската криза може да доживее експанзија или да проработи западнобалканската рута. Меѓутоа, остануваме посветени на заемната соработка во овој дел, доколку се случи нешто, успешно да се справуваме со таа криза – рече Спасовски.

Тој истакна дека на средбата било дискутирано за глобалните предизвици кои се однесуваат на безбедноста на четирите држави и на регионот.

– Од исклучителна важност за нас е да имаме размена на информации, да имаме соработка и на полето на борбата против тероризмот и насилниот екстремизам, бидејќи тоа е глобален предизвик кој бара решенија кои се однесуваат и на делот на превенцијата, но и на делот на репресијата – рече Спасовски.

На средбата било договорено да има шестмесечни средби на кои ќе се дискутира за овие теми и ќе се воспостави контакт на ниво на директори на полиции и на пониските структури во полициите.

Спасовски за понеделник најави средба на директорите на македонската и на грчката полиција, на која ќе биде разговарано за продолжување на соработката.

– Договоривме и да ја зголемиме соработката во делот на цивилната заштита. Целиот регион годинава беше зафатен со пожари и секогаш се потребни повеќе капацитети за да се справиме со овие состојби – изјави Спасовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Марш за видливост на трансродовите лица утре пред Влада

Граѓанската иницијатива за заштита и унапредување на правата на трансродовите лица „ТрансФормА“ соопшти дека во пресрет на 31 март, Меѓународниот ден за видливост на трансродовите лица, утре со почеток...