Од авионот на „Транс Азија ерлајнс“, што денеска се урна во реката Кеелунг на северот на Тајван, спасувачите извлекле 15 лица кои го преживеале падот, а меѓу нив и едногодишно дете.
Видеоснимка од местото на несреќата покажува како од остатоците на авионот го извлекуваат детето, го ставаат во чамец за спасување и го возат на брегот, каде го преземаат вработените во Итната помош.
Во авионот имало 53 патници и пет членови на екипажот, од кои тројца пилоти. Загинале 23 лица, а 20 се водат како исчезнати. Како пилотот ја изгубил контролата над авионот, надлежните органи истражуваат.