fbpx

Социјалдемократите победија на изборите во Романија

-

Социјалдемократската партија на Романија (ПСД) победила на парламентарните избори во земјата, покажуваат резултатите објавени утрово, по преброени 99 осто од гласовите, јавува балканскиот сервис на „Радио Слободна Европа“.

На изборите што вчера се одржаа во Романија, социјадемократите освоиле 46 отсто од гласовите, а Националната либерална партија на десниот центар е на второ место со повеќе од 20 отсто освоени гласови.

Во парламентот ќе влезе и сојузот Да ја спасиме Романија, нова партија која својата кампања ја засноваше на борбата против корупцијата.

Излезноста на изборите во Романија била 39,5 отсто, што е за два отсто помалку во споредба со парламентарните избори во 2012 година.

Претседателот на ПСД, Ливиу Драгнеа, синоќа, по објавувањето на првите резултати за излезноста на изборите, изјавил дека „Романците сакаат да се чувствуваат како дома и како во своја земја“.

Драгнеа во април годинава беше осуден на двегодишна условна казна затвор поради кражба на гласови на референдумот за смена на поранешниот претседател Трајан Басеску, во јули 2012 година.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...