fbpx

Состојбата во повеќето најсиромашни земји и натаму не се подобрува

-

Поголемиот дел од 48-те најсиромашни земји во светот не успеале да ги достигнат „милениумските цели“ за развој и покрај големиот пораст, оценето е во извештајот на Обединетите нации(ОН), објавен денеска во Женева.

„Милениумските цели“, што ОН ги дефинираа во 2000 година, имаат цел смалување на екстрeмната сиромаштија и на гладот во светот до крајот на 2015 година.

Според годишниот извештај на Конференцијата на ОН за трговија и развој, само една земја, Лаос, би можела да ги исполни сите седум критериуми на „милениумските цели“, а четири земји, Етиопија, Малави, Руанда и Уганда, треба да ги достигнат поголемиот број цели.

– Помеѓу 2002 и 2008 година економскиот пораст во помалку развиените земји беше над целта на меѓународната заедница и изнесуваше 7 отсто, а по финансиската криза во 2008 година, овие земји имаа поголем пораст од другите земји во развој, со средна стапка од 5,7 отсто годишно – изјавил генералниот директор на Конференцијата на ОН за трговија и развој, Мукиша Кутији.

Тој изразил жалење што овие земји, и покрај добрите резултати, сепак не успеале во доволна мера да ја намалат сиромаштијата и оценил дека станува збор за „парадокс“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...