Сообраќајот на државните патишта се одвива отежнато, во зимски услови, по влажни коловози со остатоци од снег, по интервенција на екипите на ЈП „Македонија пат“.
Утринава, околу 7 часот, на патниот правец село Крупиште – Пробиштип е воведена забрана за сите видови сообраќај, а забрани за сообраќај за тешки товарни возила има на планинските превои Стража, Маврово, Ѓавато, патен правец Крива Паланка – граничен премин Деве Баир и патниот правец Велес – Катланово.
На патните правци Штип – Велес и Свети Николе – Куманово е нормализиран за сообраќајот, но останува на сила забраната за тешки товарни возила.
Поради силен ветар и наноси од снег, „Македонија пат“ препорачува ако нема исклучителна потреба, да не се користат делницата Велес – Штип и Кочани, кај Лозово, Сарамзалино и Крупиште, зашто ветерот го носи снегот на коловозот и целосно ја намалува видливоста.
Сообраќајот на патниот правец Куманово – Крива Паланка кај Младо Нагоричане се одвива отежнато поради наноси од снег на коловозот.
На патниот правец Штип – Кочани, сообраќајот за сите возила се одвива наизменично по една коловозна лента.
АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација. Во клисурите и во засеците можна е почеста појава на одрони.
На граничните премини нема подолги задржувања за влез и за излез од државата. Оваа информација се однесува само за македонската страна на премините.
