Времето претпладнево ќе биде сончево со мала до умерена облачност, а попладне, главно во југозападните делови на Македонија, ќе има локална појава на краткотраен пороен дожд и ретки грмежи.
Утринската температура се движеше од 11 до 20 Целзиусови степени, а дневната ќе изнесува меѓу 23 до 32 степени.
УВ-индексот ќе биде 8.
Во Скопје времето ќе биде сончево со мала до умерена облачност. Утринската температура се спушти до 14 Целзиусови степени, а дневната ќе се искачи до 31 степен.
В петок ќе почне да дува умерен до засилен северозападен ветер и кон крајот на денот се очекува поизразена нестабилност со поројни врнежи и грмежи. За време на викендот ќе биде значително посвежо, со повремен локален дожд.
