Сончево и топло, попладне локален дожд и грмежи


       
Скопје, 4 јуни, 2018 - 9:17 (META) 

Времето претпладне ќе биде сончево и топло, а од пладне ќе се зголемува облачноста и ќе има локален пороен дожд и услови за појава на грмежи, особено на северот. Ќе дува слаб до умерен северозападен ветер. УВ-индексот ќе изнесува 8.

Минималната температура ќе се движи од 10 до 16 Целзиусови степени, а  максималната 26 до 33 степени.

Во Скопје исто така претпладне ќе биде сончево и топло, а од пладне со зголемена облачност и со појава на локален пороен дожд и услови за појава на грмежи. Ќе дува слаб до умерен северозападен ветер. Температурата ќе се движи во интервал од 14 до 30 Целзиусови степени.

И утре во претпладневните часови ќе биде сончево, а попладне нестабилно особено во планинските региони. Ќе има појава на пороен дожд, грмежи и можна е појава на град.

Во вторник се очекува облачност уште од претпладне, а и понатаму ќе биде нестабилно во попладневните часови.

Од вторник северозападниот ветер ќе преминува кон западен и југозападен, а во среда краткотрајна нестабилност е можна на југот.