fbpx

Собранието денеска ќе ја гласа реконструкцијата на владата на Заев

-

Во Собранието денеска во 11 часот ќе почне собраниската седница на која ќе биде разгледана и изгласана реконструкцијата на владата, една година откако овој пратенички состав го изгласа првичниот состав владата на премиерот Зоран Заев.

Прва точка на дневен ред ќе биде изборот на нови членови на Владата, што мора да заврши до полноќ, а како втора точка е изборот на заменици министри. Освен овие две точки, пред пратениците на оваа 49 седница ќе биде и огласувањето за избор на претседател, потреседател и членови на Државната изборна комисија.

Нови министри се Асаф Адеми од Беса за култура кој доаѓа на местото на Роберт Алаѓозовски, Бардуљ Даути од ДПА министер без ресор кој доаѓа на местото на Рамиз Мерки, Рената Дескоска за правда која ќе го замени Билен Салији, а неа во министерството за образование ќе ја замени досегашниот заменик Арбр Адеми.

За заменици министри се предложени Андреј Жерновски за заменик министер за надворешни работи, Асим Муса за заменик министер за здравство, Ѓонул Бајрактар за заменик министер за труд и социјална политика и Садик Беќири за заменик министер за транспорт и врски.

Опозициската партија ВМРО-ДПМНЕ пред неколку дена соопшти дека ќе присуствува на оваа седница, но од таму потенцираа дека се работи за јалова реконструкција и за влада која што нема резултати и идеи.

– Се работи за јалова реконструкција, се работи за една влада којашто нема идеја и нема резултати. Се работи за влада којашто нема исполнето ниту едно од своите клучни ветувања. Во Македонија година дена наназад една шајка не е закована, една бандера не е направена, а беа ветени брда и долини. Дури и најголемите поддржувачи на СДСМ се разочаруваат од Зоран Заев и неговите министри. Така што, реконструкција на еден или двајца министри не го решава фундаменталниот проблем, а тоа е дека имаме неспособна гарнитура којашто не ги исполнува ветувањата и којашто не може и не знае да испорача резултати – изјави Влатко Ѓорчев пратеник од ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...