fbpx

Со половина час доцнење, почна второто продолжение на конститутивната седница

-

Со половина час доцнење, почна второто продолжение на конститутивната седница на Собранието, на која прва точка на дневен ред е изборот на претседател, членови и нивни заменици на Комисијата за избори и за именувања, а втора точка е изборот на претседател на Собранието.

Вчера претседавачот Трајко Вељаноски ја прекина седницата во 18 часот, иако пратеникот од СДСМ, Оливер Спасовски, побара седницата да трае сè додека не се исцрпи дискусијата.

За да не се кочи изборот за претседател на Собранието, вчера 20 пратеници поднесоа предлог за кандидат за претседател на законодавниот дом на Република Македонија да биде Талат Џафери.

На вчерашната седница вкупно за збор се пријавија 51 пратеник, од кои 47 беа од редовите на ВМРО-ДПМНЕ, при што целата седница помина со нивни реплики и контрареплики за платформата на Албанците и „за зачувување на унитарноста и на суверенитетот на државата“.

Пратеникот на ВМРО-ДПМНЕ, Илија Димовски, рече дека пратениците на ВМРО-ДПМНЕ „го црпат правото за дебатирање од демократијата“.

– Легитимно е 20 пратеници да го предложат Џафери, но тие не смеат да го блокираат правото на Комисијата или на други 20 пратеници да предложат кандидат – рече Димовски.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...