fbpx

Со општата комисиска расправа за буџетот, почнаа и општите партиски препирки

-

Дали буџетот за 2018 година е развоен или не, зошто новата власт нема доволно странски инвестиции и не ги зголемува пензиите и платите, кој за што се задолжувал и колку пари сега треба да се враќаат, беше содржината на дискусиите во општата расправа во собраниската Комисија за финансирање и буџет денеска до паузата.

Откако министерот за финансии, Драган Тевдовски, го изложи предлог-буџетот, прва за збор се јави претседателката на комисијата, Лилјана Кузмановска, која рече дека во него нема ниту една нова инвестиција или договор со нов инвеститор, туку само продолжување на проекти почнати од претходната власт на ВМРО-ДПМНЕ. Таа забележа и дека нема пари за зголемувањето на пензиите од 5 отсто, како и за тоа што нема да има зголемување на плати во јавните институции, освен за образованието, здравството и за одбраната.

Пратеникот Васко Ковачевски од СДСМ рече дека буџетот за следната година е и „граѓански и развоен“, за разлика од трошењето на претходната власт која, како што рече, оставила многу долгови.

– Почнува економска стабилизација на државата, повеќе пари се насочуваат кон граѓаните, се создаваат напори за поголеми плати. Педантно и одговорно ќе се трошат парите на граѓаните, оти ова се пари на граѓаните и со него ќе се остваруваат основните функции на државата. Граѓаните ќе кажат на следните избори дали се исправни политиките – рече тој.

На ова реплицираше Драган Цуклев од ВМРО-ДПМНЕ, кој рече дека е нормално да не се очекуваат спектакуларни резултати, но дека новата власт давала токму такви изјави.

Општата расправа на комисијата треба да продолжи во 15.30 часот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...