fbpx

Со една мерка нема да се намали загадувањето, потребен е сеопфатен пристап

-

Потребен е сеопфатен пристап од централната и од локалните власти, невладините организации, приватниот сектор и од домаќинствата за да се надмине проблемот со загадувањето на воздухот. Ова е заклучокот од состанокот на министерот за животна средина и просторно планирање, Садула Дураки, и неговиот заменик Јани Макрадули, со градоначалникот на Градот Скопје, Петре Шилегов, и со градоначалниците на општините од Скопскиот Регион.

Министерот Дураки истакна дека првпат во буџетот на Македонија е предвидена ставка со средства и со мерки за намалување на аерозагадувањето и за отстранување на дивите депонии.

Дураки посочи дека во соработка со локалната самоуправа произлегуваат неколку предлог-проекти за решавање на овие појави, а тоа се субвенционирање за поставувањето филтри во институциите, поставување филтри во јавните претпријатија и тие да добијат А-лиценца, поттикнување на употребата на електрични возила, зголемена и зајакната инспекцијата и контрола од одговорните инспекторати на државата.

Макрадули апелираше на заедничка акција на државните органи, бизнис-заедницата, невладиниот сектор, медиумите и на граѓаните.

– Сите анализи покажуваат дека доколку се примени само една мерка, загадувањето не може многу да се намали и затоа ни треба еден интегративен пристап, кој го промовираме денеска. Пристап, кој значи зголемена контрола за време на техничкиот преглед, сочувување на зелените површини и на урбаниот простор – изјави Макрадули.

Шилегов рече дека до крајот на неделата ќе излезат со заеднички определени мерки, кои секој ќе треба да ги имплементира во рамките на својата надлежност.

Според податоците од новата студија што ја изработи Програмата за развој на Обединетите нации (УНДП), дури 45 отсто од домаќинствата во градот се греат на огревно дрво, 30 отсто на електрична енергија, а само 21 отсто се приклучени на парно. Според истражувањето, греењето најмногу придонесува за загадување на воздухот.

– Во текот на една грејна сезона, се користат 317.000 тони дрва, што е еднакво на сите дрвја што ги има на Водно – рече директорката на УНДП за Македонија, Луиза Винтон.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...