fbpx

Сноуден бара од Обама да го помилува

-

Најпознатиот американски свиркач и поранешен соработник на НСА, Едвард Сноуден, го повика претседателот на САД, Барак Обама, да го помилува.

Тој вели дека било „морално неопходно“ да ги објави податоците за масовниот надзор.

– Да не беа тие сознанија, тие откритија, ќе беше полошо за нас – изјави Сноуден, кој помина три години во Русија, откако го предизвика еден од најголемите скандали со протекување на информации во американската историја.

Сноуден, чија дозвола за престој во Русија истекува наредната година, порача дека е подготвен да помине време во затвор во САД и дека многу се жртвувал за својата земја.

– Постојат закони во книгите кои говорат едно, но можеби поради тоа постои моќта на помилувањето – за исклучоци, за работи кои можеби изгледаат незаконски на хартија, но кога ги гледаме морално, кога ги гледаме етички и кога ќе ги погледнеме резултатите, се чинат како да биле неопходни – порача Сноуден од Москва во интервју преку видеолинк за британски „Гардијан“.

Сноуден во мај 2013 година ја напуштија својата работа во НСА и отпатува за Хонгконг од каде го почна објавувањето на доверливите податоци за глобалните програми за следење и за тоа како НСА прислушувала телефони и компјутерски системи, предизвикувајќи загриженост на владите во светот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...