Како дел од мерките за борба против дебелината кај децата, словачкиот Парламент изгласа забрана за продажба на слатки, засладени пијалоци и други нездрави производи во училиштата.
Чешкото Министерство за образование најави дека од идната година со наредба ќе забрани продажба на нездрави пијалоци и храна во училиштата.
Мерките доаѓаат по постојаните предупредувања на чешките експерти, за широката понуда на слатки во мензите и од автоматите во училиштата.
Според најновите истражувања, во Словачка секое седмо дете од 11-15 години има прекумерна тежина, а кај возрасното население дебелината е уште повеќе присутна.
Според предлагачката на амандманот за измени, Рената Змајковичова, од владејачката Социјалдемократска партија, целта е да се стопира досегашниот тренд на дебелеење кај школските деца и кај младите.
За прекршување на забраната, предвидена е парична казна од 50 до 500 евра.