!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Слаб земјотрес почувствуван во Охрид


       
Охрид, 7 јануари, 2018 - 14:37 (META) 

Сеизмолошката опсерваторија при Природно-математичкиот факултет во Скопје регистрирала земјотрес со јачина од 2,3 степени според Рихтеровата скала во охридското епицентрално подрачје, денеска во 12.40 часот.

Епицентарот на земјотресот се наоѓал неколку километри од Охрид во околината на селото Лескоец.

Минатата недела, серија на земјотреси беа регистрирани во Дојран, но и еден на територијата на Косово, кој беше почувствуван и во Скопје.