Скриената економија во Македонија изнесува од 24 до 47 отсто од БДП. Овој податок беше истакнат на трибината „Справување со скриената економија“, во организација на Центарот за истражување и креирање политики.
– Скриената економија во Македонија е доста висока и тоа не е поради тоа што даноците се високи. Кај населението има недостиг од доверба кон Владата и поради тоа граѓаните избегнуваат плаќање даноци – смета Колин Вилијамс, професор по јавни политики на Универзитетот „Шефилд“.
Високата невработеност, според експертите, ги турка луѓето да прифатат непријавена работа.
– Од друга страна, постои политички протекционизам, при што некои од фирмите не плаќаат даноци или се повластени – изјави Руслан Стефанов, директор на економската програма на Центарот за изучување на демократијата од Софија.
Ако не се зголеми стандардот и не се намали невработеноста, не може да се очекува да се намали скриената економија.
Дури 40 процнети од платите не се пријавени или не се пријавени на целата сума, а 7 процнети од работниците немаат договор за работа.
Со оваа стапка на скриена економија, Македонија го зазема првото место во регионот и во Европа.
