fbpx

Скопје под власта на СДСМ почна да наликува на Див Запад, велат од ВМРО-ДПМНЕ

-

„СДС ветуваше живот, а граѓаните добија криминал, престрелки и убиства“, се вели во реакцијата на ВМРО-ДПМНЕ по синоќешната престрелка во населбата Топанско Поле, во која едно лице е убиено, а едно тешко повредено.

„Секоја вечер инциденти, а секој поминат викенд по некој ранет или убиен. Се надминува и периодот на матната и криминална транзиција во 1990-тите, а Скопје личи на Див Запад. Криминалците остануваат неказнети и заштитени“, стои во соопштението на опозициската партија.

Од ВМРО-ДПМНЕ додаваат дека на синоќешното, му претходеше убиството на Мартин Јанушев, чиј вистински убиец, како што велат од партијата, сè уште не е утврден.

„Криминалот, насилствата и убиствата се шират како канцер во државата, бидејќи остануваат неказнети, а дел од полицијата на Оливер Спасовски е заштитник на сето ова. Тоа се шири по принципот на затруено дрво, бидејќи тие што со криминал доаѓаат на власт, со криминал и владеат. СДС во својот план за живот ветуваа безбедни граѓани и професионална полиција, а добивме насилства, убиства, небезбедни градови и граѓани. Власта покажува неспособност на секое поле“, велат од ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Собранието ги изгласа измените на Законот за извршување на санкциите

Со 78 гласа „за“, Собранието денеска го изгласа Предлог-законот за изменување и дополнување на Законот за извршување на санкциите. Од Министерството за правда соопштија дека Законот има за цел решавање...