fbpx

СЈО синоќа одзело документи од Централниот регистар

-

Истражителите на Специјалното јавно обвинителство (СЈО) синоќа влегле во Централниот регистар и ги одзеле документите што СЈО ги бара за истрагите што ги води, објавија дел од медиумите, кои се повикуваат на извори од обвинителството.

Според телевизијата „24 Вести“, обвинителите на СЈО го напуштиле Централниот регистар утрово, околу 4 часот, откако успеале да ги соберат сите документи што ги барале.

Од СЈО засега нема официјална потврда дали акцијата е завршена и дали се обезбедени потребните документи.

Според неофицијални информации, по пристигнувањето на истражителите бил повикан директорот на Централниот регистар, Андреа Поповски, и дел од службениците.

Поповски за „ТВ 21“ изјавил дека во моментот не може да даде никакви информации за акцијата во институцијата со која раководи.

Истражители од Специјалното јавно обвинителство (СЈО) и припадници на единицата „Алфи“ синоќа го чуваа влезот на објектот на Централниот регистар за да не дозволат во текот на ноќта да се изнесат или уништат документи што се предмет на истрага на СЈО.

„Одговорот од Централниот регистар што го добивме денеска, по истекот на законскиот рок, беше дека не им е јасно нашето барање за увид во некои документи. Барањето е испратено пред 30 дена. Денеска нашите истражители отидоа во Централниот регистар за да го разјаснат нашето барање. До истекот на работното време не добивме никаков документ. Но, добивме анонимна дојава дека во Централниот регистар се подготвува некакво уништување документи. Веднаш побаравме од судот да ни биде овозможено присилно одземање на документите што ги бараме. Добивме дозвола од судот и со асистенција на полицијата, во моментов чекаме овластено лице да дојде и да ни ги издаде документите“, изјавила синоќа портпаролката на СЈО, обвинителката Ленче Ристовска, за порталот „МКД“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...