fbpx

СЈО поднесе жалби за одбиените притвори на Груевски, Јанакиески, Протогер и на Јанкулоска

-

Специјалното јавно обвинителство денеска до Апелацискиот суд Скопје доставило уште пет жалби на одлуките на Кривичниот суд со кои беа одбиени барањата да им биде одреден притвор на лидерот на ВМРО-ДПМНЕ и поранешен премиер, Никола Груевски, поранешниот шеф на неговиот кабинет, Мартин Протогер, поранешните министри за внатрешни работи и за транспорт и врски, Гордана Јанкулоска и Миле Јанакиески, и на поранешниот генерален секретар на Владата, Кирил Божиновски, обвинети во случајот „Титаник“, потврдија за „Мета“ од СЈО.

Кривичен совет на Основниот суд Скопје 1 наместо притвори, на петтемина обвинети им ги одзеде личните и дипломатските пасоши и ги задолжи еднаш неделно да се јавуваат во суд.

Инаку, жалбите се поднесуваат преку Основниот суд Скопје 1, кој потоа ги препраќа до Апелацискиот суд.

Од Апелацискиот суд денеска ни изјавија дека досега не добиле ниту една од жалбите што оваа недела ги поднесе СЈО, а кои, со денешните, се триесетина на број.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...