fbpx

СЈО: Лидерот на ВМРО-ДПМНЕ првоосомничен за перење пари и незаконско финансирање

-

„Талир“ е прва истрага за перење пари која ја објави на денешната прес-конференција Специјалното јавно обвинителство. Како што рече обвинителката Фатиме Фетаи тоа е истрага за незаконско финансирање на ВМРО-ДПМНЕ, односно постои основано сомневање дека „првоосомничениот, како претседател на партија“, иако ги знаел прописите, сепак ги прифатил незаконските средства за финансирање, не ги вратил и овозможил незаконско финансирање на партијата.

Доказите на СЈО, според Фетаи, упатуваат на основано сомневање дека првоосомничениот формирал група лица кои собраните средства ги внесувале на жиро сметка на партијата и правеле уплати на име на членови на партијата.

talir finansii

Обвинителката Ленче Ристоска истакна дека политичката партија во 2009 година добила донации во износ од 338.211 евра, односно дека во просек дневно биле уплатувани по 28.184 евра. Во 2013 година, партијата за шест дена добила донации во висина од 185.040 евра, односно дневно добивале донации од по 30.840 евра. Некои од трансакциите биле вршени на секои 20 секунди.

Под истото кодно име СЈО го води и случајот со основано сомневање дека 5 лица направиле кривично дело со злоупотреба на службената положба и овластувања и дека „претседателот на политичка партија“ овозможил незаконски услуги од ДГ АД “Бетон“ – Скопје.

talir

Фетаи најави дека во текот на денот СЈО ќе има 12 барања за одземање на имот, замрзнување на имот или на дел од имот на политичка партија.

„Тракторија“ е истрага во која се осомничени 4 службени лица дека во изградбата на патот Миладиновци – Штип и Кичево – Охрид му нанеле штета на буџетот од 155 милиони евра.

Фетаи рече дека постои основано сомнение дека осомничените постапиле спротивно на условите, дека преговорите ги воделе само со една од двете компании, иако втората доставила пониска понуда.

trevnik

За случајот „Тревник“, според Фетаи постои основано сомневање дека без одобрение за градба се изградени три викенд куќи, а одобрението го добиле кога куќите биле завршени.

Јанева побара новото парламентарно мнозинство да го избрише членот од законот кој ќе овозможи СЈО да продолжи со работа.

Таа најави дека СЈО ќе продолжи со нови предлози за обвиненија и се дури не ги истражи сите разговори кои ги поседува и ги повика сите кои имаат прислушувани разговори да ги достават до СЈО.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...