Сириската влада соопшти дека обвиненијата на САД за масовни убиства на затвореници и за користење крематориуми за уништување на телата се целосно невистинити.
Министерството за надворешни работи на Сирија соопшти дека наводите претставуваат „нов холивудски заговор“ чија цел е да се оправда „агресијата и интервенцијата“ на САД.
Изјавата доаѓа два дена откако американскиот Стејт департмент ја обвини владата на сирискиот претседател Башар ал Асад за изведување масовни убиства на илјадници затвореници, спалувајќи ги нивните тела во голем крематориум во затворот „Сајданај“, надвор од Дамаск.
