Скопската општина Шуто Оризари од денеска има гинеколог кој ќе работи во амбулантата во општината. Пациентките ќе ги прегледува доктор Вјолца Мбиара, специјалист гинеколог со долгогодишно работно искуство, меѓу другото, и во американска болница во Албанија, информираат од Министерството за здравство.
Министерот за здравство, Арбен Таравари, изјави дека конечно во амбулантата во Шуто Оризари ќе работи и гинеколог, со што е решен долгогодишниот проблем и е обезбедена континуирана гинеколошка здравствена заштита за жените од oпштината.
Докторката не го знае македонскиот јазик и со пациентките ќе се разбира со помош на медицинска сестра.
