Шест лица настрадаа во големите шумски пожари што неконтролирано беснеат во централниот дел на Чиле, соопштија локалните власти.
Министерот за внатрешни работи, Марио Фернандес, изјави дека загинале четири пожарникари и двајца полицајци.
Тројца пожарникари се повредени во текот на неделава, а повеќе од 4.000 лица се евакуирани.
Пожарите, кои се најголеми во последните неколку децении во оваа латиноамериканска држава, веќе со денови се шират со голема брзина и досега зафатиле 238.000 хектари, претежно слабо населени подрачја.
Во областите јужно од главниот град Сантијаго е прогласена вонредна состојба.
Мексиканските власти ги повикаа и другите земји да помогнат во гаснење на пожарот. Авион „супертанкер боинг 747“ е пратен од САД, а побарани се авиони и хеликоптери од Канада, Мексико, Аргентина, Бразил, Уругвај и од Перу.
