fbpx

Шилегов: Неделава консултации за продолжување на конститутивната седница, потоа предлог до Иванов

-

„Ѓорге Иванов и Никола Груевски се единствените пречки за формирање нова влада. Иванов со одолговлекувањето да го даде мандатот за влада, го штити Никола Груевски и криминалното раководство од волјата на мнозинството граѓани, односно нова реформска влада“, рече портпаролот на СДСМ, Петре Шилегов денеска, одговарајќи на новинарско прашање за тоа каков е ставот на СДСМ по денешното соопштено од Иванов, во кое од кабинетот на претседателот посочија дека „не се отстранети пречките за давање владин мандат“.

За најавените консултации со партнерите од владината коалиција, тој рече дека сега нема што да се каже.

– Најавивме дека во текот на оваа недела, со партиите кои го претставуваат владиното мнозинство, ќе извршиме консултации за да се продолжи конститутивната седница на Собранието. Штом за тоа ќе имаме информација, ќе ја споделиме – рече Шилегов.

Тој најави дека првин мора да се заврши конститутивната седница, а потоа би следувал предлог до претседателот на Република Македонија.

– Ќе мораме прво да ја завршиме конститутивната седница, па потоа ќе предложиме. Иако, повторувам, не постојат ниту уставни, ниту законски, ниту какви било други пречки за да се даде мандатот на претседателот на СДСМ, со што би имале мирен трансфер на власта – рече Шилегов.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...