Шест лица се убиени, а осуммина се ранети во вооружен напад на џамија за време на вечерна молитва, што синоќа се случил во канадскиот град Квебек Сити, сооошти канадската полиција, пренесува „Би-би-си“.
Во нападот учестувале две лица, кои отвориле оган во исламскиот културен центар во Квебек, додека во него имало околу 50 верници кои биле на молитва.
Еден од напаѓачите, како што пренесува „Би-би-си“, бил уапсен на самото место, додека другиот во близина на џамијата.
Quebec mosque shooting latest:
• 6 dead, 8 wounded
• 2 arrests
• "terrorist attack" – Canada PM @JustinTrudeauhttps://t.co/Ps6GX7cxD5— BBC Breaking News (@BBCBreaking) January 30, 2017
Канадските власти, како што соопштиле од полицијата, нападот го третираат како терористички напад.
„Го осудуваме овој терористички напад на муслимани во центарот, кој е место за молитва и засолниште. Канаѓаните муслимани се важен дел на нашето национално ткиво и за ваквите бесмилени дела нема место во нашите заедници, градови и во земјата“, изјавил канадскиот премиер Џастин Трудо.
Tonight, Canadians grieve for those killed in a cowardly attack on a mosque in Quebec City. My thoughts are with victims & their families.
— Justin Trudeau (@JustinTrudeau) January 30, 2017
Загинатите, според полицијата, се на возраст од 35 до 70 години, а дел од повредените биле во критична состојба.
Во јуни минатата година, истата џамија беше мета на инцидент од исламофоби, кога пред нејзините порти беше оставена свинска глава, со порака „добар апетит“.
