fbpx

Шекеринска: За Македонија најдобро е да биде една изборна единица

-

За Македонија најдобро е да биде една изборна единица, рече денеска заменик-претседателката на СДСМ, Радмила Шекеринска, одговарајќи на новинарско прашање за иницијативите до Уставен суд за оценување на уставноста на одлуката за распишување на изборите.

– Сметаме дека ова прашање може многу лесно да се коригира и затоа уште еднаш повторуваме дека за Република Македонија, најдобро решение е целата држава да биде една изборна единица. На тој начин ќе престанат сите дискусии дали гласот на секој граѓанин во државата еднакво вреди. На тој начин ќе престанат и овие непродуктивни расправи околу границите, околу општините и околу начинот како да се поделат сите изборни единици во шест изборни региони – рече Шекеринска.

На прашањето дали изборите може да бидат легитимни со вакво кршење на Изборниот закон, Шекеринска рече дека начинот на кој треба да дојдеме до веродостојни избори е да ги почитуваме сите закони, а за идејата на политичките партии Левица и Либерална партија да се изолира ВМРО-ДПМНЕ, Шекеринска рече дека СДСМ и здружената опозиција почнале процес на покажување на вистината за ВМРО-ДПМНЕ на цела Македонија.

– Зарем некој има дилеми која е нашата позиција? Цела оваа процедура, целиот овој период го поминавме за никогаш повеќе ова да не ѝ се повтори на Македонија – рече Шекеринска.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...