„Од утре, во 14 часот, јас ќе бидам пред Владата на Република Македонија. Ја повикувам Владата на Груевски, ако има едно ливче, еден потпис, еден доказ за моја злоупотреба или криминал, веднаш да дојде да ме уапси! Ќе ѝ бидам близу и не си заминувам брзо“, соопшти Радмила Шекеринска, заменик-претседателка на СДСМ, во врска со обвинувањата дека таа и нејзиниот сопруг сами себеси си изнајмувале станови.
Како што објавија некои медиуми, семејството на Шекеринска во периодот од 2009 до 2013 година само за кирии самите себеси си платиле повеќе од 320.000 евра или нешто повеќе од 20 милиони денари. Според медиумите, станува збор за четири станови, од кои три во Скопје и еден во Охрид.
