fbpx

Шекеринска: Македонија ќе добие покана за НАТО и ќе седне на маса со светските велесили

-

Министерката за одбрана Радмила Шекеринска непосредно пред самитот на НАТО во Брисел преку видео порака им се обрати на граѓаните на Република Македонија.

Во видео-изјавата министерката Шекеринска потенцира дека следните два дена Македонија ќе седне на иста маса со светските велесили, и дека официјално ќе добие покана за членствово НАТО.

„Оваа шанса во 2008 година ја пропуштивме и оттогаш натаму, работите тргнаа во погрешен правец. Видовме што значи да се живее во несигурна држава и во нестабилен регион. Поминувавме низ многу кризи, а државата стагнираше на секое поле. Почитувани сограѓани, во изминативе 10 години едно стана јасно – без отворени перспективи за членство во НАТО и во Европската Унија, иднината на Македонија е несигурна. Членството во НАТО е историска шанса која сега мора да ја искористиме. Со тоа Република Македонија ќе стане партнер и сојузник со најмоќните земји во светот. Членството во НАТО ќе биде стабилност и сигурност за Република Македонија и нејзините граѓани. Но, тоа ќе донесе и шанса за побрз економски развој и просперитет “, вели министерката.

Шекеринска истакнува дека изминатата година биле направени крупни промени, крупни чекори напред, а решени биле тешки проблеми.

„Направивме крупни реформи, решивме тешки проблеми. Покажавме дека Македонија може подобро. Горда сум на постигнатото, продолжуваме понатаму“, вели министерката Шекеринска во своето видео-обраќање.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...