Министерот за надворешни работи на Косово, Беџет Пацоли, утре ќе претстојува во еднодневна посета на Македонија, соопшти македонското министерство за надворешни работи.
Покрај средбата со својот домаќин, министерот за надворешни работи, Никола Димитров, Пацоли ќе биде примен и од претседателот на Собранието, Талат Џафери, и од премиерот, Зоран Заев.
Се очекува на средбите да бидат разменети мислења за прашања од заеднички интерес, со акцент на интензивирање на севкупната билатерална политичка и економска соработка, а особено на сорабоката околу инфраструктурата и енергетиката.
Посетата, како што стои во соопштението на МНР, ќе биде искористена и за размена на мислења за актуелните меѓународни прашања, како и за соработката во рамките на мултилатералните и регионалните организации.
