fbpx

Шеесетина граѓански организации доставија писмена реакција до меѓународната заедница

-

По повод утрешните преговори во Брисел и последната изјава на комесарот Јоханес Хан, 61 граѓанска организација доставија писмена реакција до меѓународната заедница, во која потстуваат на црвените линии до кои може да се оди во преговорите.

– Во писмото се навраќаме и на последната изјава на комесарот Јоханес Хан, која ја сметаме за непринципиелна и неиздржана со оглед на тоа дека тој даде квалификација за последните парламентарни избори во 2014 година дека биле одржани во демократска атмосфера. Сакаме да потсетиме дека извештаите на ОБСЕ и на ОДИХР нотираа низа забелешки за изборниот процес, почнувајќи од селективниот пристап на медиумите, прогон на неисомисленици и неподеленоста помеѓу државата и партијата. Во писмото потсетуваме дека нашиот став е Груевски да даде оставка и да не биде дел од преодната влада, а пред почнувањето на функционирањето на таа влада, треба да бидат извршени некои структурни реформи, односно да биде избран независен јавен обивинител, МРТ да биде ослободена од канџите на власта и да биде прочистен избирачкиот список – вели Уранија Пировска, претседателка на Хелсиншки комитет.

Во писмото се вели дека ЕУ има посебна одговорност во спроведувањето на европските вредности, како што се демократијата, владеењето на правото и заштитата на човековите права и дека ЕУ и САД имаат одговорност за мирот и за стабилноста на Македонија.

– Вчера 10 граѓански организации се соочија со својата вистина и добија докази дека биле прислушувани и дека власта го знаела секој нивни чекор. Власт која ги прислушува своите граѓани и цивилниот сектор, кој е критички настроен, и која своите граѓани ги нарекува „индијанци“ и „човечиња“, мора да си замине – вели Марјан Забрчанец од платформата за граѓанска политика „Ајде“.

Од утрешните преговори, граѓанските организации очекуваат да се гарантира процес што ќе ја обезбеди стабилноста и демократичноста на Македонија, а не процес што ќе помогне за развој на нечија политичка кариера.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Посебен сообраќаен режим в недела заради атлетска трка на Средно Водно

Во недела, со почеток во 9 часот, поради атлетска трка на 10 километри, со траса на движење од долниот паркинг на Средно Водно по регионалниот пат (Р2138) до паркингот...