Следното издание на сатиричниот магазин „Шарли ебдо“, во кој вчера беа убиени 12 лица, ќе излезе следната среда во милион примероци, наместо во 60.000 како што излегуваше досега, соопшти Патрик Пелу, познат француски доктор и член на редакцијата.
– Ќе продолжиме. Одлучивме да го издадеме новиот број следната седмица. Сите се согласивме со тоа. Немаме право да се откажаме – нагласи Пелу, кој не бил присутен на редакцискиот состанок за време на нападот.
Адвокатот на весникот, Ричард Малка, соопшти дека следниот број ќе има само осум страници, наместо вообичаените 16, и оти ќе биде изработен со помош на весниците „Монд“ и „Либерасион“, како и на „Канал плус“.
