fbpx

„Шарената револуција“ со огнен број 1 го заврши одбројувањето

-

Активистите на „Шарената револуција“ вечерва пред просториите на Специјалното јавно обвинителство со исцртување на римскиот број еден составен од луѓе и од факли го испишаа последниот број од крајниот рок кој го дадоа за исполнување на нивните барања.

Граѓаните наредени во три реда синхронизирано ги запалија факлите и запеаја „Шутка не ти бега Никола“.

Како што рекоа од „Шарената револуција“, оваа бројка е најголемата испишана бројка досега, а со запалените факли направија да биде видлива дури и од Водно.

Додека граѓаните и активистите се оргнизираа како да се постават и како да ракуваат со пиротехниката, се појави неидентификуван маж во цивилна облека кој се обиде да ги сними.

Граѓаните и активистите веднаш го забележаа и тргнаа кон него, викајќи „Кој си ти, зошто снимаш?“. Лицето веднаш побегна, а граѓаните се вратија да се доорганизираат.

Пред почетокот на герила-акцијата, околу 20 часот, на истата локација, герила-акција имале и противниците на „Шарената револуција“ кои фрлија летоци во форма на пари со ликот на „платеници“ и огласи од познати професори кои земаат мито.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...