fbpx

„Шарената револуција“ денеска во 19 часот на нов протест

-

„Шарената револуција“ и нејзините поддржувачи денеска, во 19 часот, ќе излезат на нов протест, кој ќе почне пред зградата на Специјалното јавно обвинителство.

Во најавата за протестот, објавена на официјален фејсбук-профил на „Шарената револуција“, се вели дека тие ја продолжуваат борбата за остварување на нивите барања и дека се „вклучуваат во решавањето на кризата“.

„Правдата е под сериозна закана. Протестирам! Уставниот суд е под партиска опсада. Протестирам! Груевски и Иванов им се закануваат на граѓаните. Протестирам! Власта сака да преговара тајно. Протестирам! Власта не сака да се чуе мислењето на граѓаните. Протестирам! Протестирам со „Шарена револуција“ в понеделник (27 јуни), 19 часот, пред нашата тврдина – СЈО! Борбата за правда продолжува! Криминалот веќе нема да смее да поминува пред очите на граѓаните! Протестирам 80 денови со илјадници соборки и соборци! Заедно спречивме помилување криминалци, заедно спречивме уште едни фалсификат избори! Нашите другари се на слобода! Продолжуваме, се вклучуваме во решавањето на кризата!“, стои во најавата за протестот.

Последниот протест организиран од активистите и од поддржувачите на граѓанското движење „Потестирам“ и на „Шарената револуција“ се одржа во понеделникот минатата недела. Овој протест беше еден од најмасовните досега и на него учествуваа неколку десетици илјади граѓани.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...