fbpx

Северна Кореја лансираше ракета со долг дострел во вселената

-

Северна Кореја рано утрово лансираше ракета со долг дострел во вселената. Тоа предизвика загриженост кај соседите на оваа земја и во Вашингтон, поради можноста Северна Креја да располага и да тестира нуклеарно оружје.

Државната телевизија на Северна Кореја соопшти дека лансирањето во вселената наредено од Ким Јонг Ун било „целосен успех.“

Јужнокорејските и американските воени претставници соопштија дека лансирањето е маска за тестирање балистички проектил кој може да носи нуклеарна боева глава, тест кој е забранет со бројни резолуции на Советот за безбедност на Обединетите Нации.

Генералниот секретар на ОН, Бан Ки-мун, лансирањето го нарече „длабоко непристојно“ и истакна дека била користена балистичка ракетна технологија. Во меѓувреме, Советот за безбедност на ОН на барање на САД, Јужна Кореја и на Јапонија, закажа итен состанок за попладнево за да се дискутира за можностите за нови санкции од ОН.

Лансирањето следува по тврдењето на Северна Кореја во јануари дека тестирала хидрогенска бомба.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...