Два силни и серија послаби земјотреси вчера во вечерните часови ја потресоа Италија. Првиот силен земјотрес со јачина од 5,4 степени според Рихтерова скалa беше источно од Перуџа, на длабочина од девет километри под површината на земјата. Два часа по првиот земјотрес, на истото место имаше и втор со јачина од 6,1 степени кај Вишо, на 170 километри североисточно од Рим, на длабочина од 10 километри.
Неколку повредени лица биле пренесени со амбулантни возила во итни оддели на болници во регионот, а неколку десетици луѓе заминале сами да побараат лекарска помош поради повреди.
https://www.youtube.com/watch?v=oHsAcjKPo4c
Голем број куќи беа урнати во планинското место Усита, изјави локалниот градоначалник. Голем дел од жителите ноќта ја поминаа на отворено, надвор од своите домови, а по потресот имаше недостиг од електрична енергија.
„Сакам да им се заблагодарам на тие што работат на дождот во зоните погодени од земјотресот. Цела Италија ги прегрнува силно луѓето кои повторно настрадаа“, напиша синоќа на „Твитер“, италијанскиот премиер Матео Ренци.
Voglio ringraziare chi sta lavorando sotto l'acqua nelle aree del #terremoto. Tutta l'Italia abbraccia forte le popolazioni colpite ancora.
— Matteo Renzi (@matteorenzi) October 26, 2016
Земјотресите се случија на околу 70 километри оддалеченост од градот Аматриче, кој целосно беше уништен во потресот што се случи во август годинава и во кој животот го загубија речиси 300 луѓе.
