Лидерот на Движењето за реформи на ДПА, Зијадин Села, денеска на редовното партиско собрание во Тетово рече дека доколку во првите 100 дена од новата влада не биде усвоен законот за проширена употреба на албанскиот јазик, неговата партија ќе ја напушти коалицијата.
Села смета дека тоа би била последна мерка за која се надева дека ќе нема потреба да се преземе. Лидерот на ДР-ДПА не мисли дека е неопходно нацртот прво да оди на мислење во Венецијанската комисија.
Села не ја исклучи можноста за обединување на партиите учеснички во Алијансата за Албанците, во една единствена партија.
На редовното партиско собрание на ДР-ДПА во Тетово беше одлучено нови потпретседатели на партијата да бидат Елми Азири и Ремзи Мемеди. Едниот доаѓа од разгранокот во Куманово, а другиот од Кичево.
