fbpx

Седницата за разрешување на Зврлевски продолжува в среда во 11 часот

-

Претседателот на Собранието, Талат Џафери, во 18 часот го прекина шестото продолжение на седницата за разрешување на републичкиот јавен обвинител Марко Зврлевски и следната седница ја закажа за среда, во 11 часот.

Пратениците на ВМРО-ДПМНЕ испратија писмо до Државната комисија за спречување на корупција за таа да се произнесе дали треба да продолжи седницата бидејќи се распишани локалните избори, а во меѓувреме неколкупати побараа пауза од еден час во Собранието.

Опозицијата побара, додека Комисијата да одговори на писмото, во Собранието да се стави точката за разрешување на Зврлевски во мирување, а да се расправа по други точки.

– Да прекинеме со оваа пародија и да ја тргнете точката од дневен ред. Нека се изјасни Комисијата дали е ова е во согласност со законот, ако е, ќе продолжиме, ако не е, нема да продолжиме. Овие два-три дена може да се искористат за други поважни теми како пожарите, депонијата во Струга, мигрантите, Договорот со Бугарија. Не бегаме од работа и од дебата, тука сме, ќе работиме – вели Драган Данев од ВМРО-ДПМНЕ.

Собранискиот спикер Џафери рече дека Собранието работи по Уставот и по деловникот и дека испратеното барање до Комисијата за спречување на корупцијата не е пречка за негова работа.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...