fbpx

Се врши увид на местото на несреќата, на возачот на автобусот ќе му се испитува крв и урина

-

Најголем дел од жртвите и повредените во трагичната сообраќајна несреќа што попладнево се случи на патот Скопје – Тетово се граѓани на Гостивар, информираше градоначалникот на Гостивар, Арбен Таравари.

-Жалосен ден за цела Македонија. Има голем број повредени, 13 се загинати, а петмина се во сериозна животнозагрозувачка состоба. Најголем дел од повредените и загинатите се од Гостивар. Се преземаат сите неопходни мерки. Посетив голем дел од пациентите. Шоферот е во добра, стабилна состојба и се надевам дека ќе добиеме релевантни информации од него и од надлежните институции за превртувањето на автобусот полн со патници – рече Таравари.

Од Основното јавно обвинителство информираат дека заради расчистување на причините за несреќата надлежен јавен обвинител побарал да биде земено крв и урина од возачот и да се направи проверка на техничката состојба на автобусот.

„Во насока на утврдување на причините за несреќата, јавниот обвинител ќе издаде наредби за обдукција на починатите лица, како и за вонреден технички преглед на возилото. Во текот на ноќта местото на несреќата ќе биде обезбедено, а увидот и извлекувањето на автобусот ќе продолжи во текот на утрешниот ден“, се вели во соопштението од ОЈО.

Портпаролот на МВР, Тони Ангеловски информираше дека екипи на МВР и јавниот обвинител се на лице место и дека увидот е во тек. Истакна дека подетални информации за сообраќајната несреќа ќе бидат соопштени подоцна.

-Со возачот е разговарано и тој е моментално во болница, и од тоа што е разговарано со него ќе помогне на утврдување на причините на несреќата – рече тој.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...