fbpx

Се откажуваат резервациите во Охрид

-

Хотелиерите од Охрид, стравуваат дека дел од најавените гости, можеби ќе се поколебаат да тргнат на пат за новогодишен дочек, по целокупната ситуација по патиштата завеани и заковани во снег и во студ.

Сепак, некои од угостителите, сопственици на ресторани, кафулиња и ноќни клубови, се пожалија дека дел резервации им се откажани и тоа не само од подалечни земји, туку и од Скопје и од други македонски градови.

Бугарските туристи, како и минатата година, се очекува да бидат најбројни на охридската ривиера за дочекот на новата 2015 година. Во хотелите „Метропол-Белви“ и годинава се најавени најмногу бугарски туристи, кои треба да дојдат со шест автобуси и сопствен превоз. Од хотелите, за новинската агенција „Мета“, искажаа надеж дека сè ќе биде како што е и договорено, дека засега немаат откажувања на аранжмани. Заедно со Бугарите, таму и гости од Србија, малку и од Македонија, ангажирале 280 соби.

Хотелот „Инекс“, исто така, е целосно ангажиран за три, четири и за петдневни аранжмани. Хотелот „Силекс“ е ангажиран со гости од Полска, Бугарија и од Македонија.

Интерес за новогодишните празници покажаа и туристи од Црна Гора, како и подалечните земји Полска, Романија и Унгарија.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Контраспин: Силјановска не ги седна пензионерите во ложата на „Мапет шоу“

Контекстот во кој претседателската кандидатка на ВМРО-ДПМНЕ ја кажа репликата за „Мапет Шоу“, беше сосема поинаков од оној што го претстави СДСМ. Самата реплика воопшто не се однесуваше на...