fbpx

Се намалува бројот на вакцинирани деца

-

Во 2013 година во земјата биле вакцинирани вкупно 97 отсто од децата, а во 2014 вкупниот опфат на вакцинирани деца изнесува 95 отсто, пишува „Утрински“, повикувајќи се на податоците што на годинешниот состанок за имунизација ги соопштила д-р Јованка Костовска од Министерството за здравство.

Според податоците, имунизацијата во земјава бележи пад од два до три проценти кај речиси сите видови вакцини, а здравствените власти за ваквата состојба вината ја лоцираат во антивакциналното движење.

– ХПВ-вакцинирањето останува со најнизок процент, односно опфатот е околу 55 отсто. Ако се продолжи со вакви антикампањи за имунизација и ако родителите продолжат да не ги слушаат лекарите, постои опасност процентот на вакцинација и понатаму да опаѓа, да се создаде ризична група на невакцинирани деца и да се вратат заболувањата од минатиот век – предупредила Костовска, пренесува „Утрински“.

Според неодамна објавените податоци на Институтот за јавно здравје, пишува весникот, бројот на вакцинирани деца секаде е намален, a вкупниот опфат на вакцинирани деца со сите вакцини по региони покажува дека во Пробиштип опфатот е паднат на 89 отсто, во Скопје на 88 отсто, а во Валандово на 87 отсто.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Ангеловска-Бежоска: Земјите од Западен Балкан годишно губат 18 отсто од БДП поради родовиот јаз на пазарот на труд

Последователните економски шокови изминатите години дополнително го отежнуваат намалувањето на родовата нееднаквост, поради нивното понеповолно влијание врз женската популација. Кај повеќето земји од регионот на Западен Балкан стапката на...