This page was exported from Meta.mk [ http://meta.mk ]
Export date: Sun Apr 23 15:45:55 2017 / +0000 GMT

СДСМ: Со скапиот увоз на струја, граѓаните за два дена се оштетени за 300.000 евра




СДСМ ја повикува власта во заминување да престане да крие информации од граѓаните за реалниот ризик, домаќинствата да останат без струја, се вели во соопштението на СДСМ.

- Реалноста е дека Македонија се соочува со недостиг од струја и како што вчера предупредивме, денеска е распишан тендер за нов интервентен увоз на струја. Како што објавивме вчера, на Божиќ бил распишан првиот тендер за итен увоз на струја за 7 и за 8 јануари. За претходните два дена набавена е струја по цена за 36 проценти повисока од увозната цена дозволена од Регулаторната комисија за енергетика. Со тоа граѓаните за два дена се оштетени 300.000 евра - се додава во соопштението на СДСМ.

Оттаму велат дека „да работеа блоковите на РЕК Битола, за чии поправки граѓаните платија стотици милиони евра, сега ќе имаа струја и немаше да бидат оштетени ни денар“.

- Вистината е дека да не е увозот од странство, домаќинствата ќе останат и без струја и без греење на овој поларен студ. Ако земјите од регионот, што сега ѝ даваат струја на Македонија, почнат политики на штедење струја поради студениот бран, граѓаните, семејства со деца, ќе останат без струја - се додава во соопштението на СДСМ.
Post date: 2017-01-09 14:12:36
Post date GMT: 2017-01-09 13:12:36
Post modified date: 2017-01-09 14:12:36
Post modified date GMT: 2017-01-09 13:12:36
Powered by [ Universal Post Manager ] plugin. HTML saving format developed by gVectors Team www.gVectors.com