!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

СДСМ: Секое дело спротивно на државните интереси е противуставно и казниво


       
Скопје, 20 април, 2017 - 9:59 (META) 

Државата мора без одложување да профунционира за граѓаните, кои четири месеци чекаат да се реализира нивната јасно изразена волја за промени, вели СДСМ во утринското соопштение.

„Трајко Велјаноски и пратеничката група на ВМРО-ДПМНЕ, и вршителот на должноста претседател на државата, Ѓорге Иванов, се должни да дозволат демократските процеси да продолжат! Парламентот и сите институции имаат обврска да го овозможат формирањето на владата низ мирен трансфер на власта. Секоја институција и секој поединечно мора да биде свесен дека постапувањето спротивно на државните интереси е погазување на Уставот и на правото и загрозување на стабилноста на Македонија и повлекува одговорност“, стои во соопштението.

Од партијата наведуваат дека секое дело спротивно на државните интереси е противуставно и казниво и оти опструкциите што се вршат мора веднаш да престанат.