fbpx

СДСМ: Не се остваруваат ветените проекти и ова не е успешна туристичка сезона

-

Ниту се остваруваат ветените проекти, ниту е ова успешна туристичка сезона, порача од денешната прес-конференција претседателот на охридските социјалдемократи, Томислав Тунтев.

– Вистината и реалноста се поразителни. За 28 месеци, градоначалникот Бакрачески и власта на ВМРО-ДПМНЕ не успеаја да реализираат ниту еден проект од тие што во нивната изборна програма беа ветени како приоритетни и капитални. Дополнително, годинешната летна сезона во Охрид ни оддалеку не е најуспешната туристичка сезона во последните 10 години, ниту по бројот на остварени ноќевања во изминатиов период, ниту по бројот на домашни и на странски гости. За време на илинденските празници, во Охрид имаше наплив на домашни гости поради високата температура, убавото време и продолжениот викенд – рече Тунтев.

Според него, локалната власт на ВМРО-ДПМНЕ во Охрид со ништо не придонела за големиот број викенд-туристи. Напротив, неспособноста и немоќта на општинските челници да се справат со потребите и со барањата на граѓаните и на гостите довело до општ хаос.

– Недостиг од паркинг-простор, хаос во сообраќајот, полни контејнери со ѓубре, неисчистени улици, бучава во ноќните часови, самоволно однесување на таксистите и на превозниците, излеани фекалии во езерото, непочитување на работното време на угостителските локали – тоа беше реалната, жална слика во Охрид во изминатите денови. Експлицитен пример за целосно непознавање на работите и за нивно нестручно извршување претставува реконструкцијата на улицата Питу Гули во Охрид. Почетокот на градежните работи на една од главните и најпрометни улици во градот беше означен на 3 април, но работите се одвиваа невообичаено бавно и улицата остана незавршена. И, наместо да се прекинат градежните работи за време на главната туристичка сезона, како што е тоа ред и обврска за сите инвеститори во Охрид, и да се овозможи непрекинато и безбедно одвивање на сообраќајот, локалната власт продолжи со реконструкцијата, со што предизвика чести застои во сообраќајот, пренасочување на возилата и вистински хаос во туристичкиот шпиц – рече Тунтев.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Со манипулативни изменети видеа се исмеваат францускиот и украинскиот претседател

Првото видео наводно го прикажува Макрон меѓу млади посетители во ноќни клубови кои танцуваат во стилот на 80-тите години. Станува збор за манипулирана верзија на клип на кој се...