СДСМ денеска ја осуди изјавата на пратеничката на Албанија, Месила Дода, во која таа вчера, при посетата на Дебар, рече дека Македонија не постои, дека тоа е стара албанска покраина и се вика Илирида.
„Ја осудуваме провокативната реторика во изјавата на пратеничката од албанскиот парламент, Месила Дода, што се однесува на Република Македонија, а која не е во духот на градењето добрососедски односи и меѓусебно почитување меѓу две соседни земји“, стои во реакцијата на СДСМ.
Според партијата, ваквите јавни настапи одат во прилог само на тие што креираат поделби и работат на поттикнување раздор и нетрпеливост, спротивно на европските вредности за кои се заложуваме.