fbpx

СДСМ: Иванов со непотпишувањето на законот го крши Уставот

-

Со најавите дека нема да го потпише указот за законот за употреба на јазиците, Ѓорге Иванов се обидува да се стави над Уставот на Република Македонија и делува како остаток на поразениот режим, велат од СДСМ како реакција на обраќањето на претседателот Иванов

„Иванов е должен да постапува по членот 75 од Уставот на Република Македонија во кој е јасно наведено дека доколку претседателот не го потпише указот за прогласување на законот, Собранието повторно го разгледува законот и доколку го усвои со мнозинство гласови од вкупниот број пратеници, претседателот на Републиката е должен да го потпише указот. Иванов е на должност пред граѓаните и законите, а не пред партијата“, велат од СДСМ.

Според владејачката партија, со непотпишување на указот, Иванов го крши Уставот и работи спротивно на европските вредности и концептот „едно општество за сите“, што бил како што велат од партијата, силно бил поддржан од граѓаните на последните изборни циклуси.

„Законот за употреба на јазиците е целосно во согласност со Уставот и амандманот 5 кои се донесени пред 17 години и со неговото усвојување не губи никој, туку се овозможуваат услови за подобра комуникација меѓу граѓаните и институциите. Иванов не е над Уставот и нема да успее да внесе нови поделби, Македонија е едно општество за сите“, додаваат од СДСМ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Млади иноватори изработија мобилна апликација за помош на дијабетичари

Ѓорѓина Ристовска и Марио Мијатовиќ се млади иноватори кои ја креираа апликацијата ДИА, како асистент на лицата со дијабетес за менаџирање на оваа состојба. Инспирирани од желбата да помогнат...