!На 1 февруари 2017 година, заврши промотивниот период на слободно користење на содржините на „Мета“. Во периодот што претстои го воведуваме новиот систем за пристап и за претплата. За начинот на пристап и за претплатата ќе информираме дополнително

СДСМ: Иванов ќе добие писмено известување дека мора да му го даде мандатот на Заев


       
Скопје, 20 март, 2017 - 15:42 (META) 

Со денешното интервју Иванов самиот се разобличи во намерата да го поддржува Никола Груевски во неговата цел за продлабочување на политичката криза, се вели во реакцијата на СДСМ на интервјуто на претседателот на државата за унгарскиот весник „Маѓар хирлап“.

Од партијата порачуваат дека ќе има конститутувна седница и избор на нов претседател на Собранието, од кој Иванов писмено ќе биде известен дека е должен да му го даде мандатот на лидерот на СДСМ, Зоран Заев, за состав на новата влада.

„Ѓорге Иванов нема право за личен спас на Никола Груевски да ги држи во заложништво граѓаните и Република Македонија! Двајцата не смеат да го уриваат уставниот поредок, да предизвикуваат дестабилизација, да излегуваат со неразумни барања за нови избори, само затоа што Груевски има потреба да бара спас од одговорноста за криминалот што го правел. На граѓаните и на државата им е потребна итна стабилизација по веродостојните избори и по формирањето на парламентарно мнозинство на демократски начин“, стои во соопштението на СДСМ.